ANONTANIO HOE .....? (ketaka kely)

Mbola tsisy niantsa

Hangataka antsa
(Nalaina tao amin'ny vetso.serasera.org)
Anontanio hoe ny masoandro
Raha tia anao aho ka nanome
Taratra ampoko ao isan'andro
Hafanana be dia be

Anontanio hoe iny volana iny
Raha tia anao aho ka naniry
Hoe ny ho avintsika fifaliana
Ho fankatoavana ilay dina

Anontanio hoe ny havoana
Raha tia anao aho ka nandohalika
Fa ity foko re tsy mivaona
Fa tena tia ka tsy hivadika

Anontanio hoe ny habakabaka
Raha tia anao ahoa ka nitady
Niaritory aho ,eny , nivavaka
Hiadana isika handresy ny ady

Anontanio hoe ny ranomasina
Raha tia anao aho tsisy fetra
Ary koa ilay voady masina
Hajaiko ampo tsy antery setra

Anontanio hoe ny renirano
Raha tia anao aho ka niharitra
Ka nofafaiko ankitsirano
Ny hadisoanao tsy voafaritra

Anontanio hoe ny kitrok'ala
Raha tia anao aho foana foana
Ty foko kely adaladala
Milaza tia sy tena noana

Anontanio hoe ny voronkely
Raha tia anao aho ka matoky
Ka tsy ho ekeko velively
Raha toa ianao hilaza voky

Anontanio hoe ny tontolo
Raha tia anao aho ngeza be
F'ity fiainako bontolo
Raha odianao tsy hita re

Anontanio hoe ny fonao
Raha tia anao aho tena marina
Ka vonona izy hanavao
Lay fitiavantsika ho tafarina .

21 Jona 2009
--------
Rohy:
1520 2
Hevitra mandeha
Zozoro ( 30/07/2009 13:19)
Kanto tokoa. Mankasitraka
Elihangy ( 28/01/2010 09:56)
demande au soleil et aux étoiles..
Hametraka hevitra
Midira aloha
Momba ny tononkalo
Mpanoratra : ketaka kely
Nampiditra : nyratsima
Daty : 18/07/2009 21:32
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0114