Misaotra Ray ô ! (ketaka kely)

Mbola tsisy niantsa

Hangataka antsa
(Nalaina tao amin'ny vetso.serasera.org)
Misaotra Ray ô !

Misaotra anao aho ry Ray
Fa nomenao tombon'andro
Hahafahako mandray
Famonjena isan'andro

Misaotra anao aho ry Nahary
Fa salama tsy farofy
Hahafahako mihary
Ary koa manofinofy

Misaotra anao aho Ray mahery
Fa nomenao fo miantra
Hahafahako mijery
Ireo madinika mahantra

Misaotra anao aho Tompo soa
Fa nomenao fahalalana
Hahafahako mamoha
Fatoran'ireo resy , hana

Misaotra anao aho Raiko tia
Fa nomenao fahendrena
Hahafahako mitia
Na hahafoizako ny tena

Misaotra anao aho ry Mpamonjy
Fa nomenao fitahiana
Hahafahako milonjy
irony hazo fijaliana ....

Misaotra Ray ô !
--------
Rohy:
Sokajy : Fiderana - Vavaka
1953 1
Hevitra mandeha
Mysento ( 02/08/2009 12:02)
Misaotra anao aho Raiko tia
fa nomenao fahendrena
hahafahako mitia
na hahafoizako ny tena.
Hametraka hevitra
Midira aloha
Momba ny tononkalo
Mpanoratra : ketaka kely
Nampiditra : nyratsima
Daty : 25/07/2009 16:00
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0099