VOASEDRA (KIRIAH )

Mbola tsisy niantsa

Hangataka antsa
(Nalaina tao amin'ny vetso.serasera.org)
Ny hoditrao ve no mangidy
Ratsy tsiro noho ny hafa Ka tsy telin'ny vavoniny?
Sa ...!
Ny siran-kerim-po Nanasinana anao
No mihoatra ny antonony?

Nanendreny fotsiny ihany
Notsakoiny an'ilam-bazana
Noheveriny ho mamy
Tiany abosika sy fiazana
Toy ny hanina rehetra
Toy ny tsiro, etsetra etsetra
Saingy ...
Ianao tsy eran'ny hanoanany
Ka naloany teny an-tanany
Nisy tsirona arafesina
Niaro fofona mandrainkona
Nisisika Nanelingielina
Maka tenda raha atelina.

Moa ny nofotrao no mafy?
Ampy fanazaran-tena teny an'orana mifafy?
Taona marom-pahoriana, ady mafy tsy fisiana ...

Ianao tsy taniky ny afony
Nandramany ihany nolelafiny
Dia naveriny am-bilany
Nantenainy ianao halemy
Nantenainy ianao ho masaka
Nisorohany afo impiry
Saingy ...
Io ianao miziriziry
Ka ny masony no Bongo levon-tsetroka tam-patany
Leo ny donginao ny satany.

Ôhhhh! Mandehana ry voasedra
Fa tsy tia anao ny fasana !

KIRIAH
12/08/13
--------
Rohy:
Sokajy : fiainana - Aingam-panahy
1330 0
Hevitra mandeha
Mirasoua ( 21/07/2014 14:09)
Kiriah, Gravy enao e!!
kiriah ( 17/06/2015 18:36)
Zany ve é!? , Misaotra é!
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.01