Aza manadino (lanto R.)

Mbola tsisy niantsa

Hangataka antsa
(Nalaina tao amin'ny vetso.serasera.org)
Na lavitra ahy aza ianao anio.
Ireo fiarahana hatrizay no mba tadidio.
Feno tsiahy tsy mety voafafa.
Eny,raketo ao am-po irony lasa.

Ny halavirana tsy hampiova ilay fitia.
Ny adiady tsy maintsy misy fa mba tsarovy ilay hoe: "Ho doria".
Aza manadino ilay voady nifanekena.
Izaho sy ianao ilay tsy nisy noterena.

Ny fakam-panahy tsy maintsy lalovana.
Ny foko efa lasanao tsy ataoko hisy handrodana.
Tiavo hatrany aho r'ilay silam-panahy.
Ny hoavy banjino ary aza asiana ahiahy.

Tiako ianao,tena tiako tokoa.
Ianao irery ihany no tokana ato am-po.
Ny hivadika dia sanatria.
F'efa babonao aho ka tena tia.
Manantena ny hiaona tsy ho ela.
Miandry anao ilay akany sisa tavela.
--------
Rohy:
1735 2
Hametraka hevitra
Midira aloha
Momba ny tononkalo
Mpanoratra : lanto R.
Nampiditra : titinounous
Daty : 08/04/2018 06:54
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0096