TSY HO RESY ('Lay fo hafa kely)

Fa fo ngolingoly, trotram-pitiavana
no tsy maintsy hikalo, hiezaka hanadino
fa ireo lasana rehetra, mety ve ho Avana
ho maro lokom-pifaliana, asa...tsy mampino

'reo teny mamy rehetra, izay mba nifanolorana
nampisinda ny taraina, dia ho ako ve no sisa
tsy te-hino aho kanefa, satriko eny vorona
hitady toeran-kafa, izay mba mety ho paradisa

fa hafaitra ny ampitso, hitadiavam-panafody
saingy làlana hizorana, ho an'izay nitia
fa na marary aza ny fo, hangina tsy hiantso tody
ho ngolingoly izy anio, ny ho faty sanatria
--------