Na tia aza aho ! (Lebota)

Mbola tsisy niantsa

Hangataka antsa
(Nalaina tao amin'ny vetso.serasera.org)
Na tia aza aho !
Ka hanoratra ho anao
Ataoko an-taratasy na an-tsolo-tsaina toy izao
Na alefako amin'ny paositra,
Hiangaviako "occasion",
Na ateriko amin'ny tànana
na alefako "avion"
Misy dikany inona amin'ny fo vatonao?

Na tia aza aho !
Ka hamoron-kira alefako amin'i Lôla.
Na hanoratra poeme toa adala sady môla.
Na hiangavy mpanankanto hisolo izato badabadako.
Hanova inona aminao fefy vato hidin-gadrako?

Na tia aza aho !
Ka handohalika isan'andro eo ambaravaranao
Hiandry anao hivoaka hamonjy ny birao.
Na hiaritra hatsihaka sy ny kitrok'alim-be.
Hampaninona ny fonao haram-batolampy re?

Na tia aza aho !
Ka hitokona amam-bolana tsy hitelin-kanina
Ka avelako ny kankana hifanao adisanina.
Tsy mampaninona ahy anie ny hitsirepirepy fanina.
Haningotra ny fonao ve !?

Na tia aza aho !
Kanefa efa alanao! Fahavalonao !
Ny ataoko rehetrarehetra : tsy zarizary halanao!

Na izany aza anefa : ny foko tianao.

Lebota (Clarys)
--------
Rohy:
3095 0
Hevitra mandeha
hendry ( 08/05/2004 11:42)
Ntsô! soa ihany aza enao efa nahatsapa hoe tsy tia izy koa.
Mampisaina sy manoma anatra ny tsy mahala tsy tiana io, tsy ratsy.
Clarys ( 08/05/2004 19:59)
Merci ry hendry a ! Misy tokoa ve ilay hoe tsy mahalala tsy tiana, sa diso fitia !!??
Oully ( 15/05/2004 11:26)
Teto no tena nahitako fa tena manantalenta ianao ry namako. Mahereza !!!
Clarys ( 15/05/2004 17:47)
Misaotra oully a ! Itovizanay sy ilay namako be iny io aingam-panahy io e ! Sady ny zavatra anie rehefa iainana moramora tenenina ihany é ! Soa fa misy toa anareo mahay mankahery. Bizzzou alou é !
Hametraka hevitra
Midira aloha
Momba ny tononkalo
Mpanoratra : Lebota
Nampiditra : Clarys
Daty : 05/05/2004 08:34
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.011