Noravako (Lee Andrianalaina)

Mbola tsisy niantsa

Hangataka antsa
(Nalaina tao amin'ny vetso.serasera.org)
Noravako


Ireo sakana sampanana
Manakana ny lalako
Tsy handray anao an-tanana
Ry tiako sy malalako

Noravako ny fahasambarako
Mba hanasambarako anao
Novonoiko koa ny tantarako
Hampitsiky lava ilay fonao

Fa ny foko tsy leo mitempo
Mitanisa fitiavany anao
Noravako koa hatreto.....
Ilay eritreritro mitetika handao


Fa ny sisa tsy noravako.....
No tsy ho rava raha teo
Ilay fitia manakoako....
Ao anaty fo mitoreo....



Lee Andrianalaina
13 septembre 2021
--------
Rohy:
Sokajy : Aingam-panahy
433 0
Hevitra mandeha
raims randriamalala ( 15/09/2021 08:27)
hanasambarako???
Fa ny sisa tsy noravako.....
No tsy raha teo
Ilay fitia manakoako....
Ao anaty fo mitoreo....
=> mba afaka hazavaina ve azafady
David John Lee Andrianalaina ( 15/09/2021 21:02)
hanasambarako: hampigoka hasambarana
lay andiny fariny reo kosa nisy ts ampy fa efa nahitsiko tompoko, misaotra anao
Hametraka hevitra
Midira aloha
Momba ny tononkalo
Mpanoratra : Lee Andrianalaina
Nampiditra : David John Lee Andrianalaina
Daty : 14/09/2021 12:11
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0106