NY SORA-TANAKO (MADAÏES(danny))

Nantsain'i
(Nalaina tao amin'ny vetso.serasera.org)
Ny sora-tanako vetson'ny tiana
Homeko zay liana sy sondrisondriana
Ny sora-tanako ho enti-manitsy,
Hanatsara, hanafaona ny mangirifiry

Ny sora-tanako tsy ho an'olon-tokana
Fa ho an'ny rehetra zay tojo ny sompatra
Ny sora-tanako dia isan'ny ampinga
hanitsy ny ho aviko mba tsy handringa

Tsy ho entiko hanandratra ahy ho ambony
Fa kosa hanafoana ny manorisory
Tsy hireharehavako toy ny harena
fa kosa tahiry Diary volamena

Ao ny tantaran'ny androko lasa,
ireo faniriana sy zava-kinasa
Ny faniriana ny taniko ho soa,
Sy izany fitiavana ho lamban'akoho

Ao ny avelon'ny fanantenana,
ao ny adiady zay tena nafana
Ao 'lay rano niangona tsisy mpandraoka
Dia ireo ranomaso nameno kapoaka.

Ny sora-tanako dia ny fiainako,
Milazalaza 'reo vetson-tarainako,
Indrindra indrindra izany fitiavako
tsy nahitako mangirana, nanamando ny tavako.


.......ZAY , Danny 1997 T/ve
--------
Rohy:
2491 0
Hametraka hevitra
Midira aloha
Momba ny tononkalo
Mpanoratra : MADAÏES(danny)
Nampiditra : vitsika
Daty : 10/05/2006 13:51
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0131