Mpanjono nangaina - mahorani

                                   MPANJONO NANGAINA

Lasa dia lasa ny sainy:
Variana nanaiki-panondro!
Vaka izy, tena tsy hainy;
Fa tsy homana mihitsy ny trondro!
     Toa very foana ny kankany,
     Matsatson'ny rano sy lany!
     Nandrasany, tena nadrasany:
     Fa tsisy mba niakatra avy any!
          Fa nankaiza daholo ary ireny,
          No tsisy manaikitra akory;
          Sa ny feony miteny irery;
          No reny ka zary ifendroany?
Ny nifohazany maraina anefa,
Mba hitondrany laoka any an-tranony;
Ny masoandro ity efa hilefa,
Tsy mba trondro iray ao an-karony!
     Tsy maintsy izy mody amin'izay,
     Na misy ny trondro na tsisy!
     Ireo vady aman-janany izay:
     Nanantena mba hanao frity!!!
          Vazivazy iny ny ahy ka ihomehezana;
          Sangisangy ka zary itsikiana!
          Kanefa raha tena hofehezina;
          Dia fananarana raha zohina!
Fa maro ny olona an-tany;
Manantena ny hahita ny soa;
Mitady ka mitady ihany;
Tsy misy ka atao ahoana moa?!!
     Dia ireny tsy ambinina ireny;
     Tsy ho vita raha hotantaraina;
     No oharina indray miteny:
     Ho toy ilay "Mpanjono nangaina!"

Mahorani (Sejianis ihany)

Hevitra mandeha

Clarys (13/05/2004 07:07:26)

Mahafinaritra kah ! Ho anay tia jono dia marina io ka misaotra anao. Efa ela tokoa aho izao no tsy nanjono !!!
Merci an !

Mombamomba

Mpanoratra : mahorani

Nampiditra : sejianis
Daty : 02/04/2004
Mpamangy : 2157
Mankafy : 0

Tononkalo hafa

SAMBATRA HO'AHO
SAMBATRA HO'AHO
SAMBATRA HO'AHO
NY LASA
TSY IZANY NY FITIA
TIAKO FOANA
KANTO
Namako
Ho inonao ??
Sampanana