Mahantra hoy ianao ny Malagasy (manantena)

(Nalaina tao amin'ny vetso.serasera.org)
Mahantra hoy ianao ny Malagasy
Sahiran-dava izao sy mangasihasy
Mitsiriritra mafy mahita ireo vahiny
Miadana, finaritra, toa tsy manan-tsiny
Kanefa, harena hono izany
Ao an-kibon'ito tany

Raha zava-boahary no 'ndeha ho lazaina
Dia I Madagasikara no mby ao an-tsaina
Fa hananany avokoa ireo izay tsy fahita
Antenaina hitondra soa ho an'ny tanindrazantsika

Raha zohina indray ireo zanaka naterany
Tsy misy mampanahy fa manambaka ny any ivelany
Nisy maro tsy voatana, lasa niondrana avokoa
Handranto fahalalana sy hitady izay mahasoa

Ny eto hono mantsy, tsy misy azo antenaina
Fa mandry an-driran'antsy, ka mampiferin'aina
Izay atao rehetra, ilana vaniny daholo
Be mpisetrasetra, ka mampitsangam-bolo
--------
Rohy: https://vetso.serasera.org/tonokalo/manantena/mahantra-hoy-ianao-ny-malagasy
1867 1
Hevitra mandeha
endrika01 ( 01/03/2009 14:07)
tsara lay aingam-panahy.
Hametraka hevitra
Midira aloha
Momba ny tononkalo
Mpanoratra : manantena
Nampiditra : manantena12
Daty : 28/02/2009 07:18
Antsantononkalo

Mbola tsisy niantsa

Hangataka antsa
© Eugene Heriniaina - serasera.org 1999 - 2023 - page load 0.1961