tenin-drazako (manantena)

Mbola tsisy niantsa

Hangataka antsa
(Nalaina tao amin'ny vetso.serasera.org)
Tiako ianao ry teny mamiko
Ry fiteny malagasy
Ahy ianao, tsy mba nindramiko
Ka ampiasaiko an-taratasy

Ianao no nanomboako nibada
Sy nianarako niteny
Nanononako an'I dada
Sy nanononako an'I neny

Avy taminao koa
No nahafahako namboraka
Ilay fitia tao am-po
Na am-bava na an-tsoratra

Ireny rehetra ireny
Taminao avokoa
Satria ianao ilay fiteny
Tena kanto sady soa

Tiako ianao ka tsy atakaloko
Ry teny tiako sy andrianiko
Ka ho asandratro ambony
Ilay tenin-drazako tsy foiny
--------
Rohy:
1291 0
Hevitra mandeha
Zozoro ( 17/01/2009 09:10)
Raha toa ka manadino anao aho ry tenin-drazako, dia aoka ny lelako hiraikitra amin'ny lanilaniko.
benasy ( 19/01/2009 09:33)
Misaotra Tompoko, Tsy ny teny ihany, fa indrindra ny soratra..!Satria
"Lolo sy nagidina, ka samy manidina!

Angidina sy lolo ka samihafa volo!"

Mankasitraka indrindra!!
Hametraka hevitra
Midira aloha
Momba ny tononkalo
Mpanoratra : manantena
Nampiditra : manantena12
Daty : 17/01/2009 08:28
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0096