TSINGERINTAONA (MANDIMBY)

Mbola tsisy niantsa

Hangataka antsa
(Nalaina tao amin'ny vetso.serasera.org)
Moa ny mofomamy ihany
Fy kanefa mora lany
Na koa lamba mety rovitra
Sy kiraro haingon-tongotra
Sa hoe ravaka marevaka
'zay ho verin'ny tandrevaka
Na voninkazo am-pehezana
No mendrika ho fanomezana?

Tsia, fa ao koa ny teny
Tsy ambaka azy ireny
Ampy koa ny diam-penina
Mba hamoahana an-tsipelina
ny tian-kambara na tenenina

Ndeha fohaziko eto indray
'reo fomba nety fahizay
'reo ranombavaka tsy tola
'reo fafirano fahagola
Ho mamy ianao, ho tian'ny vola
Ho miran-dava, faly anaty
Hangidy lavitry ny faty
Ho heniky ny soa sy tsara
Tsy hilaoza-mananjara
Dia ho tretrika eny foana
Ho lava andro, ho voky taona

ireo ny tolotro hifalio
Fa fetinao ny andro anio
Tsy mba hanim-pitoloha
Fa antsa teraky ny fo
--------
Rohy:
Sokajy : Fety
6224 2
Hevitra mandeha
Mysento ( 10/09/2009 10:43)
Tsara tena tsara!!!
Hametraka hevitra
Midira aloha
Momba ny tononkalo
Mpanoratra : MANDIMBY
Nampiditra : makouto
Daty : 08/09/2009 09:08
Antsantononkalo

Mbola tsisy niantsa

Hangataka antsa Hampiditra feo
Tononkalo hafa
© Eugene Heriniaina - serasera.org 1999 - 2024 - page load 0.0095