Hafatro ho anao (MBL)

Mbola tsisy niantsa

Hangataka antsa
(Nalaina tao amin'ny vetso.serasera.org)
Hafatro ho anao no soratako anio,
Ho soratra mitoetra mba raiso ka vakio;
Aza atao andratra ilay fitiavako fahiny,
Ilay voadin-tsika roa tsy tanteraka aza tsiny;

Na izaho na ianao dia samy mba nitia,
Nefa ifandao ka ifarana ny DIA;
Mifona aho fa amoy ireo vitantsika roa,
Tantarantsika ireny ry malalako taloha;

Ny anjara anefa no tsy tao an'heritreritsika,
Fa afaka anafoana ireo rehetra efa vita;
Inoako anefa ireny fa ijanona ho tantara,
Na nifankatia aza dia voafetran'ny anjara;

Raha sendra mahatsiaro dia ny sariko banjino,
Kanefa mahereza f'izaho hiezaka hanadino;
Mety mbola ihaona isika amin'izay dia ho tsaroako,
Raha mbola velona aho dia mitempo izay ny foko.
--------
Rohy:
1969 2
Hevitra mandeha
rwican ( 19/02/2018 12:41)
Ity no tononkaloko tiako faharoa
Hametraka hevitra
Midira aloha
Momba ny tononkalo
Mpanoratra : MBL
Nampiditra : Akamu
Daty : 29/12/2015 21:05
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0107