IZAHO ALOHA (MiséVonjy)

Mbola tsisy niantsa

Hangataka antsa
(Nalaina tao amin'ny vetso.serasera.org)
Izaho aloha androany no misento sy mijaly
tsy misaraka tomany, sara-tiana ka tsy faly.

Ilay fitiavana no triatra, ilay fitafy fony tia
ilay noheverina tsy ho ritra sy nofisina ho doria.

Ho sotroiko na mangidy ´ty veloma tsy nampoizina
fa na lahatra na didy, nanala aina toy ny poizina.

Tsy ho antsoiko izany tody na hampiakarako ny feo
fa tsy maintsy hisy fanafody hikosehako ilay tsy eo.

Fa androany aloha dia izaho no kianjan-dranomaso
fa ravina saraka ami-taho entin-drivotra ankaso.

Hievaeva tsisy faka, tsisy fototra hamikirana
nefa dia fitia lalim-paka no toa niainana nahamirana.

Fa na tiako na tsy tiako, izany hira fifandaozana
no handrotsy izany diako, izaho ilay tia izay nilaozana.

Eny, fa izaho aloha androany no misento sy mijaly
nilaoza-tiana ka tomany, valabalaka tsy faly.

Fa ny ampitso tsy maintsy ho avy, tsy hay sakanana io
ho tontolo tsy miangavy, ho tontolo tena hadio

Dia ho fitiavana vaovao, no hitsiry hanori-paka
tsy hisy ny tandidonao na ny lasa no hanjaka

fa toy ny tara-bao maraina, hanazava ny aliko
hampisinda ny taraina, hazavana tena mamiko...

fa...

IZAHO ALOHA ANDROANY
...AVELAO HITOMANY
--------
Rohy:
2067 0
Hevitra mandeha
carinamihary ( 26/03/2012 06:31)
mandona kosa izy izany an!
Hametraka hevitra
Midira aloha
Momba ny tononkalo
Mpanoratra : MiséVonjy
Nampiditra : zavotany09
Daty : 23/03/2012 14:23
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.01