VOAFAFA (mlanto)

Mbola tsisy niantsa

Hangataka antsa
(Nalaina tao amin'ny vetso.serasera.org)
VOAFAFA

Voafafa ilay sarosikom-pitia
Izay noheverina hiraikitra ho doria
Satria angamba nisy nanao ankasoparany
Mba tsy haharitra hatramin’ ny farany

Voafafa, tena indrisy fa voafafa
Ilay fitiavana mamy efa lasa
Izay niredareda mafy loatra
Te-hivoaka aok’ izany te-hitroatra

Voafafa ilay vovom-piainam-pitiavana
Izay nandoto ny fo madio maintso mavana
Voafafa satria toa nisy nanadio lava
Mba ho ariny any anaty damba

Voafafa fa saingy nisy singam-bovo-pitia iray
Toa tsy mety esorina fa ho eo rahatr’ izay
Mbetsaka ihany mantsy ny fitaovana efa nampiasaina
Fa arerahana, atsembohana, no tsapa ary niala-maina

Indraindray toa manelingelina ny tokonam-po ilay izy
Nefa efa loto fahiny fony mbola ankizy
Dia ilay singam-bovokin’ ny fitiavana voaloha..
Izay toa atahorana ny hifoha...

mlanto R.M
--------
Rohy:
Sokajy : Fisarahana - Alahelo
1201 0
Hametraka hevitra
Midira aloha
Momba ny tononkalo
Mpanoratra : mlanto
Nampiditra : mlanto
Daty : 13/06/2014 14:48
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0109