MAHATSIAROVA (MPANAZARY)
(Nalaina tao amin'ny vetso.serasera.org)
MAHATSIAROVAAny ianao, angamba tsy mahatsiaro akory
Fa ity havanao anie ka manina sy ory
Lavitra olon-tiana ka mangina manirery
Ka lasalasa vinany eto ambaravarakely
Raha mba sendra ny masonao mijery
Ka vakianao ity tononkaloko ity
Iangaviako, ataovy tsianjery
Fa ity no solotenako manoratra fitia
Angamba ianao mba hatsiaro ahy
Eny, na iray minitra monja
D’ efa ampy hamelombelona fanahy
Satria mavesatra, mafonja
Mahatsiarova, na lavitra any ianao
Mahatsiarova, tongava hamerina lalao
Ary ataovy an-tsainao fa ny foko tsy miova
Fa ny fangatahako dia mba mahatsiarova
--------
Rohy:
https://vetso.serasera.org/tonokalo/mpanazary/mahatsiarova
Sokajy :
embona
Hevitra mandeha
Zozoro
(
08/08/2011 09:11)
Enga anie izy amaky ity vetsonao ity.
SIOKATOKANA
(
08/08/2011 09:21)
tokony ho tojo eo ambany masony mihitsy io,
