Afom-pitiavana - Nalison Randrianaivo
Azo vakiana?
Afom-pitiavana
Na dia firifiry taona, aza no nisarahana
Dia toa ianao foana, re no mibahana
Efa niezaka ery, ny hanadino anao
Saingy indrisy akia, tsy mety miala ao
Ilay fitiavako anao, hatramin'izay
Toa tsy mety mankalao, ny fo sy fanahy
Efa nandalo teo, ny tafiotra sy tadio
Fa tsy nampitoreo, tsy nahafaty anio
Afom-pitiavana, fa vao maika mafonja
Tsy maty re rahavana, na nandalovan'ny onja
Tsy nety levona, ilay afom-pitiavako
Fa vao maika natevina, anie rahavako
Fa miroborobo mafy, niredareda ery
Ilay afo tao anaty, afon'ny fitia
Toa milelalela be, manakatra avo
Ilay afom-pitia re, ravo dia ravo
Fa tsy mety ho loa, tsy mety ho potika
Fa mirehitra tokoa, tsy mety rotika
Hevitra mandeha
naje (29/05/2018 08:23:28)
mahafinaritra fa tohizo e!tsika tanora mihintsy no mila manandratra ny kolontsaina tsika
nalsonrazakariasa2015 (29/05/2018 18:12:16)
Misaotra indrindra eee
Hametraka hevitra
Midira alohaMombamomba
Mpanoratra : Nalison Randrianaivo
Nampiditra : nalsonrazakariasa2015
Daty : 22/05/2018
Mpamangy : 1487
Mankafy : 3
Tononkalo hafa
AtsaharoTsy misy mahavita tena
Tena fitiavana.
I Neny
Ny Zanako.
Takariva amoron-drano
Sakaiza manody.
Mahalalà tsy tiana
Tamberim-pitia
Fitiavan'i Neny
