You are here: home > Vetso

Babonao poeta - Nikalo Kanto

Nanomboka namaky
nanonona ny soratro mangina tany anaty
ny molotrao mivetso fa sendra fanafody
fisindàn' ny  sentosento sy ny ratram-pijaliana  
ny fonao efa sasatra nitia nefa tsy tiana

nandroso ny fotoana
fa io ianao nanaraka ny kaloko eny foana
namaky, nankafy.....
Niezaka namafa  an' ilay tiana fa tsy tia
Namafa ny alahelo
Nitsiky sy nifaly tamin'ny soratro ankitelo :

"Mionòna", "mitrakà" , "mahaiza maka lesona"
fa tsy vitsy teto no rendrika sy niesona ...
tamin'io fitiavana io

Dia niezaka nitraka
nampitony fo ianao na efa lalim-paka
ny zava-nifanesy
Fa tanjona tratrarina ny zoto mba handresy
ny ferim-pijaliana
ka vonona hanadino ny ratran' olon-tiana

Vonona hiova laka
fa tojo fanafody tsy andairana mpandratra
ny fonao amin'izao
ngamba ,vokatrin'ny soratra
Ny fery no nikatona , fa ny fo indray no nisokatra
Hoe hiova dika iray
"Koa ity POETA kely no hotiavina indray".....

Hametraka hevitra

Midira aloha

Mombamomba

Mpanoratra : Nikalo Kanto

Nampiditra : kanto01
Daty : 12/04/2019
Mpamangy : 325
Mankafy : 0

Tononkalo hafa

Tantaranay roa kely
Fitiavana sy soratra
efa sambatra izy...
Tso drano
Embona
Fahatsiarovana
tsy hampaninon'azy