You are here: home > Vetso

Meteza - Nofy2

meteza ianao ry foko ho tony lalandava
fantatrao mantsy fa mbola be ny hitranga
aza mitroatra loatra na inona miseho
na tena fifaliana na loza sy toreo

meteza ho mora atoro sady be fitiavana
na ho an'ireo namana, tsy adino koa ny havana
aza mora tezitra na koa hoe misendaotra
aoka ajanony, tsy dia mahatsara loatra

ny alahelo be ferofero ihany
aza ela loatra rehefa ianao tomany
ry tebitebim-poko meteza hanantena
fa ny ho avinao mamiratra na inona mitsena

izato lolom-po fohano diaeny izao
ireo fankahalana mankarary anao
raha tianao ny ho salama hateza eto an-tany
meteza hamela heloka na iza, iza izany

mahaiza manadino ny lasa ratsy rehetra
aoka hahay hionona sady hahay hametra

Nofy2
30 Juillet 2018

Hametraka hevitra

Midira aloha

Mombamomba

Mpanoratra : Nofy2


Nampiditra : nofy2
Daty : 12/05/2020
Mpamangy : 177
Mankafy : 1

Tononkalo hafa

HAFA IHANY
HATREO
Aoka izay
ato an-tranoko ato
Rehefa hanambady
Rehefa
ny vady aman-janako
ahy ny fiainako
Ny vola
ny tokantranotsika