Teny (Nofy2)

teny tsotra tsy mba lava
mahafaly lalandava
nefa koa mety hampijaly
raha afenina marary
tsy mety afaka ao an-tsaina
na ezahina ho fafaina

teny nefa mahafaty,teny nefa mahavelona
toa tsisy dikany akory raha toa ka hoe tenenina
fa raha toa ka hoe sainina, dinihina ny mahaizy azy
dia voamarika ao tsara, ilay filaza miangavy

manakery
nefa kely
raha toa ka hoe vakiana
fa miteraka fiadiana
raha mivadika amin'ny dina

teny vitsy monja
nefa dia mafonja
teny be mpilaza
tsy mankaleo ny vava
ilay teny hoe "tiako ianao"

Nofy2
27 Février 2006
--------