Tiako ho tantaraina (Nosy Malala)
(Nalaina tao amin'ny vetso.serasera.org)
Tiako ho tantaraina, Tiako ho tantaraina,
Indray andro any,
Ho lavitra taraina,
Izany foko izany.
Tiako ho lazaina,
Ho ren'ny vazantany.
Malagasy miaina,
Manako any ho any.
Tany tandalana,
Anjakan'ny fahamarinana.
Ny harempanjakana,
Mitsinjo izay sahirana.
Ny rano sy ny jiro,
Eran'ny vazatany.
Ny tanora día fanilo.
Hatrany ambanivolo any.
Ny tontolo iainana,
Voakajy ihany koa,
Ambony ny fisainana,
Mikaly izay rehetra mahasoa.
Eny, mbola ho avy,
Izany andro izany.
Hamony ny aviavy,
Hamokatra tsy ho lany.
Ilaina ny finoana,
Fanilon' ny ho avy.
Arahan'asa foana,
Fifalian'ny mpianakavy.
Nosy Malala
Septambra 2022
--------
Rohy:
https://vetso.serasera.org/tonokalo/nosy-malala/tiako-ho-tantaraina
Sokajy :
Fahantrana - Fianakaviana - Politika - Fampaherezana - fanantenana - Tanindrazana - Fiaraha-monina - Eritreritra mandalo - fiainana - Aingam-panahy
