Tokiko, (Nosy Malala)

Tokiko,

Tokiko Ianao, tsy misy ahiahy,
Ny fiainako ety, Ianao no miahy .
'reo fahotana, na koa ny hakiviana,
Efa nentinao teo amin'ny hazo fijaliana.

Raha malokila, izato masoandro,
antsoina ianao, maraina sy atoandro,
Iza indray moa, no hitokina mihoatra anao.
Mpandresy sy nahary izao tontolo izao.

Misy ireo fotoana, andalovana ady mafy,
Mila ho resy, dia antsoina Ianao hanampy ?
Ilay fahafaha-misafidy, izay nomenao ahy,
Ampiasaina amin'ny tsara día ravo ny fanahy.

Tokiko Ianao, anio sy ho mandrakizay,
Ametrahako tanteraka ny faripiainanay.
Na andrompifaliana na andro mahonena,
Tsy miala aminao, f' efa vita fanekena.

Nosy Malala
Oktobra 2022
--------