Asakasakareo (Ny Avana Ramanantoanina)

Mbola tsisy niantsa

Hangataka antsa
(Nalaina tao amin'ny vetso.serasera.org)
Asakasakareo

Horakoraka anjaran'ny akanga,
Kalokalo fanaom-boromanga,
Fa asakasakareo tsy hitranga.

Dobodoboka fomban'amponga,
Tabataba ny maro kilonga,
Fa asakasakareo tsy mba tonga.

Rodaroda fanaon-dranotrambo,
Setrasetra no fomban'ny lambo;
Fa ny hanina anao tsy mba tambo!

Jononoka ny erika an'ala,
Patrapatraka ilay patrakala,
Fenofeno ny lavi-malala.

Dinidinika sisa lazaina,
Hafatrafatra anao sombinaina:
Hontsahontsa fa mani-maraina.

Ny Avana Ramanantoanina
--------
Rohy:
12115 7
Hevitra mandeha
z'andrygasy ( 12/06/2015 05:17)
Mahafinaritra ny tononkalo saingy maro diso tsipelina, tsy ampy ihany koa
z'andrygasy ( 12/06/2015 05:18)
Mahafinaritra ny tononkalo saingy maro diso tsipelina, tsy ampy ihany koa
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0113