Tsara loatra ianao! (ny eja)

tena tsara loatra ianao
Dia toa tsy sahiko jerena
anefa anie ity masonao
mandinika ahy tsy hay fefena !

eny tsara ho aho ianao
ka tamin'izay tsy mba ninoako
izaho izay tsotra kely itony
mety hambabo koa ny fony ?

dia natopinao indray
handinika ahy ilay fijery
izaho niafy ny nanahy
menamenatra irery!

dia narahinao tsiky
eny kanto tsara loko
raha mba henonao iky
ny fidobodobok'ity foko ?

dia toy izay ilay fihaonantsika
tany etazonia tany ...
ankehitriny ianao tsy hita
any an-tany lavitra any .

ireo taratasy niampita
nifanoratantsika roa
no hany sisa nanambara
fa nahafinaritra sy tsara
tiana hitohy ilay fiarahana.
nefa atao ahoana moa ?
semban'ilay fisarahana !.

Ny Eja
--------