ERA AMIN-DRAFAHAFATESANA - NY HERIMAR

Azo vakiana?

ERA AMIN-DRAFAHAFATESANA.

Tsy hiresaka firy aho rampanapaka ny fiainana,
Ary ny hatako eto koa tsy dia fitarainana;
Ny zavatra iriko dia tokana mazava,
Dia ny hampateza ny aina, ho ela vao ho rava.

Raha sitrakao aleo havadika ny rasa,
Aleo ianao miala fa rafiainana no hiasa;
Aza mitsiditsidika amin'ny andro vao misondotra
f'ilay voa nafafy tsy mbola tokony hiongotra.

Aleo ianao sy rafiainana mba hifanakalo toerana,
Dia mba atsaharo koa itony asa fanaperana;
Miala ianao sasatra, mandria am-piadanana
ry mpanimba aina, mpandrava fananana.

NY H. 15/08/2019

Hametraka hevitra

Midira aloha

Mombamomba

Mpanoratra : NY HERIMAR

Nampiditra : Herimar
Daty : 07/09/2019
Mpamangy : 219
Mankafy : 0

Tononkalo hafa

NOHO NY AMIKO
TSY ALEO VE?
MANIRY VOLANA
Ny VEHIVAVY VE?
MATOA...
MATOA
IANAO MALALA
AZA AKASIKA AHY
FITIAVAN'OLON-DROA HOE?
MOA HAMPANINONA ?