HAFA-DRAHALAHY (nasiana fanitsiana) (NY HERIMAR)

Mbola tsisy niantsa

Hangataka antsa
(Nalaina tao amin'ny vetso.serasera.org)
HAFA-DRAHALAHY

Ny omaly lehitsy tsy azo hadinoina,
Fa iaino ny androany hibanjinana ny ho avy;
Ny aina latsaka tsy azonao soloina,
Ny mamerin-kadisoana lehitsy ataovy fady.

Mety kotrobaratra ny omaly sy anio
kanefa izany tsy atao hahaketraka;
Na hiakatra ny rivotra hamoron-tadio,
Mijoroa rahalahy, aza mipetrapetraka.

Ny olona mety hanao tsinontsinona
Fa ny tsara amin'ialahy tsy azo fafana;
Raha fanaratsiana tsy atao hampaninona,
Tsy tazomina ny tsy tia rehefa tsy tamana.

Ny valifaty indray aza omena toerana,
Ny lolompo koa tsy akasika vatana;
Ireo ana-draiamandreny asio fiheverana
Fa ny olomahitsy miaina tsisy sakana.

Ireo namana koa tena safidio tsara,
Ialao ireo ratsy, tsy andaniam-potoana;
Omano ny ho avy, farito izay ho anjara,
Ny sakaiza manody no tena zava-poana.

NY HERIMAR
16/08/2020
Fès
--------
Rohy:
450 1
Hametraka hevitra
Midira aloha
Momba ny tononkalo
Mpanoratra : NY HERIMAR
Nampiditra : herimar
Daty : 18/08/2020 10:12
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0111