KAMBOTY RENY... (NY HERIMAR)

Nantsain'i
(Nalaina tao amin'ny vetso.serasera.org)
KAMBOTY RENY

Tsy afa-mitaraina
Tsy manan-tsafidy;
Manomboka ny maraina
Migoka ny mangidy.

Tsy sahy miteny
Miahotra ny hamaly
Lavitr'ilay reny
Miaina anaty jaly.

Ilay Neny fahiny
Nialoha any an-koatra;
Ny fahoriany ankehitriny
Tsy rariny loatra.

Na reraka ny vatana
Ny sainy manery
Satria ilay mpitantana
Indrisy efa very.

Ilay solon-dreny nantenainy
Indrisy mpanaory
Tsisy zavatra hainy
Afa-tsy ny hanorisory.

Ry Tompon'ity tany:
Vonjeo izy reo;
Ovao tsiky ilay tomany
Izay niainany teo.

Ny HERIMAR
11/04/2019 02:04
--------
Rohy:
Sokajy : Alahelo - Fitiavana
898 0
Hametraka hevitra
Midira aloha
Momba ny tononkalo
Mpanoratra : NY HERIMAR
Nampiditra : Herimar
Daty : 11/09/2019 06:47
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.014