HIHAVANA ISIKA - Ny R. FIDIMANANTSOA

Hisy alahelo
                tsy ho afa-tomany;
Hisy tomany
                tsy hilaozan-toreo;
Hisy toreo
                horontsonina ihany,
raha ‘zaho no ho very
               tsy ho havanareo.


Hisy toloko
             hahaory tanàna;
Hisy tanàna
            ho vonton-katsiaka;
Hisy ny hatsiaka
             tsy hisolo hafanana
raha toa hifanary
              tsy hihavana isika.


Hisy ny helo eto an-tany reroy,
raha olona tiana … kanefa hafoy!


                            Ny R. FIDIMANANTSOA
                                     22/06/1999

Mombamomba

Mpanoratra : Ny R. FIDIMANANTSOA

Tononkalo hafa