Saro-baliana - Oully

Saro-baliana

Ho setrin’ny tononkalon’i Fx-Mahah: “Hatraiza”?...


Hatraiza ny fetran’ny mandrakizay?

Toa fanontaniana saro-baliana
Sa fanontaniana tsy natao hahaliana
Izao ve no hisaina izany sahady?
Raha mbola lavitra ilay vavahady

Nefa ny tonga toa zary mirintona
Ahitra maina milatsaka an-tany
Ny hoe: “fisiana” tsy aharitra hatrany
Ny lasa sy ho avy no mifanintona

Ka izaho ve no hametra izay rahatrizay
Ny tsy hita maso lazaina fa misy
Sa ireo efa lasa no himpody indray
Hanaporofo izany, saingy indrisy !

Ry saina mandinika
Ry fo tsy tony
Ry fanahy mbola liana
Aoka ny Tompon’ny “misy” nampisy ny “tsy misy”
No handrefy ny valin’ny fanontaniana
Hatraiza ny fetran’ny mandrakizay?


Andamioly

Bagneux, 11/02/2006
03ora

Hametraka hevitra

Midira aloha

Mombamomba

Mpanoratra : Oully

Nampiditra : Oully
Daty : 11/02/2006
Mpamangy : 1983
Mankafy : 0

Tononkalo hafa

Sanatriaviko
NY ADIN'NY RENY
MENDRIKA
Loko niofo
Anareo roa
Tsia
Ilay
SERASERA
Fanontaniana
Neniko ve ?