Hanina anareo - Pissoa

Azo vakiana?

Hanina anareo

Tsy ny feo mitory aina nakarin'ireo voronkely
no namoha ny eritreritro,
Na ilay tara-pahazavana avy etsy am-baravarankely
no namily ny fijeriko ;
Fa ny hanina anareo, havan-tiana tafasaraka,
no efa te-hihariary,
Ka hany azoko natao, nialako ny fandriana -
dia nobanjiniko ilay sary.

Tsy ilay tsiky nisariaka, tsiky indray niserana
nomen'ny mpandalo,
Na iry volana baliaka mitory fanaperana
no nandrisika ahy hikalo ;
Fa ny hanina anareo ambadiky ny ranomasina
no niandry ahy mba hitampify,
Ka naleoko aloha nihira, toy ny fanaontsika
amin'ny masoandro dify.

Pissoa

Hevitra mandeha

winner (02/10/2007 23:02:35)

Izay avy ao anaty tokoa no mahery vaika noho ny ety ivelany an. Mahafinaritra ilay kanto nanehoana azy

jari (15/10/2007 11:44:03)

tsy mahasosotra mitsy ky ry pissoa a! mankasitraka e!
randria

pissoa (19/10/2007 17:19:52)

Mankasitraka !

hery (27/11/2007 15:06:16)

Nifampiresaka izahay namana vitsivitsy mpanoratra teto tamin'ny fihaonana tany Paris 2007 teo dia anisan'ny notsahivindry zareo i Pissoa sy ity tononkalo ity.

pissoa (29/11/2007 20:28:59)

Misaotra anareo rehetra mahatsiaro :)

Hametraka hevitra

Midira aloha

Mombamomba

Mpanoratra : Pissoa

Nampiditra : pissoa
Daty : 02/12/2006
Mpamangy : 1378
Mankafy : 2

Tononkalo hafa

Tsy hanoratra
Tsy fantatrao
Mizarà Fitiavana
Torio fitiavana
Vavaka hariva
Izy ve ?
Nofinofy lavitra
Hiangaro
Tsy holazaiko
Izy iny