You are here: home > Vetso

SEPTAMBRA - Rado

Septambra !
  
Vaky tady teo ny hatsiaka ary injao manarangarana
ao anaty voninkazo ny molotry ny lohataona
te hitsiky mba ho hanitra.

Mihamazava takariva ny tokonam-baravarana
hijoroan-tovovavy tsara bika sy afa-tsaona
mitsinjo faravodilanitra.

May ny lamban'ny ririnina ary mihamanga indray
ny habakabaka rehetra, toa angano sy arira
ireo fanala izay nandalo.

Ny takolaky ny tiana efa hatsatra hatrizay
dia nanjary nihodi-bola, mihantsihantsy tononkira
sy mitady tononkalo.

Ireo mosarena hafanana, tsy nitsahatra nitaky
izay anjara-masoandro, hanafana ireto havany
tao anaty fivavahany.

Ny any am-ponja koa nitsiky, f'eo an-tafontrano vaky
nahitany silan-danitra efa nandrandrain'ny tavany
mba ho tara-pahafahany.

Septambra !



Rado (Dinitra)

Hevitra mandeha

andry 1000 (15/03/2019 07:27:39)

misaotra an'i hj ravs nampiditra an'ireo tononkalo ireo fa tena tsara

Vonjisoa-Andjanirina (25/08/2019 22:11:52)

tsar l iz,mafnarts e

AZTECA (29/04/2022 12:51:58)

sao misy manana manontolo ilay tononkalon -dRado misy hoe
"izay very vakana,mbola hitady
izay very sampy, mbola hanolo,
ny zanaka kosa tsy tahaka an'izany
ny toera-nialany tsy mety voasolo"
Mankasitraka sahady ho an'izay mamaly

Mombamomba

Mpanoratra : Rado


Nampiditra : hjravs
Daty : 09/08/2016
Mpamangy : 11625
Mankafy : 6

Tononkalo hafa

Sedra
FONY
FIAINANA TILY
Gasikarako, Tiako ianao,
TSY VOASOLO
Ry tenindrazako
MPANGALATRA
Noho ny zanako
Tanjona
Ny poeta