FISAKA NY MARINA (Raims randriamalala (mahavonjy aimé))

Mbola tsisy niantsa

Hangataka antsa
(Nalaina tao amin'ny vetso.serasera.org)
FISAKA NY MARINA

Aza ataonao mahagaga!
raha ny tena marina
no zary tsy tafarina

aza ataonao mampivava!
raha ny marina hifikirana
no zary mitongilana

aza ataonao mahaketraka!
raha ny marina andrandraina
no sarotra antenaina

aza atao mampitofezaka!
raha ny lainga tsara lahatra
no mampandresy ireo mpangalatra

nefa... tsy ianao irery!
no miandrandra fahamarinana,
f'izao tontolo izao!
saingy marina miery
anaty fahanginana
no mba tadiavinao

"fisaka ny marina ka sarotra tadiavina."

Nosoratan'i RAIMS RANDRIAMALALA (Mahavonjy Aimé)
--------
Rohy:
1037 0
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0108