Embona sy hanina - Rajaonarison Jean Edouard

Lasalasa ny vinany
Mieritreritra anareo.
Jerena ny elanelan-tany
Dia tankina, tsy mahaloa-peo.

Any izay i Hanitra sy i Hoby;
Ny fiainany any, manao ahoana?
Tsy hita, lavitra ny toby.
Mba misy mamy, sa dia foana?

Embona, hanina mazàna
No mameno fo sy saina.
Mitobaka, eny, fa tsy tana,

Fa mahatsiaro Sombinaina.
Hendre tsara, mianara
Hanarina an'i Gasikara.


09/05/91

Hevitra mandeha

gasikely79 (21/11/2003 14:45:48)

Mahafinaritra sy mampatsiaro an'ireo nahalehibe tsy nahafoy any an-tanindrazana.
Sambatra ny zanak'io olona io!!!

Mombamomba

Mpanoratra : Rajaonarison Jean Edouard

Nampiditra : sipagasy
Daty : 05/11/2003
Mpamangy : 3640
Mankafy : 0

Tononkalo hafa

Ny fiainana
Trondro kely
Soava dia