Fitiavana mpamitaka (Rakotomalalason Jean Olivier (R.JO))

Mbola tsisy niantsa

Hangataka antsa
(Nalaina tao amin'ny vetso.serasera.org)
FITIAVANA MPAMITAKA

Tontolo maitso mavana no manodidina ahy
Ka nitondra ny eritreritro hiantefa taminao
Nandeha mangina ny vinanim-bentsoventso
Hisaina indray ny ampitso sy izay ho solonao

Hampikombona ny ratrako !

Manontany tena aho hoe : nahoana re no nisy ianao ?
Ka nifanindran-dalana tamiko teny andalan’ny fitia e!
Raha nampoiziko nialoha fa nandalo teo ianao
Ka tsy natao ho ahy irery dia nivily lalana aho

Sy nampitony fikasana !

Nanakipy maso koa mba tsy ahita ny endrikao
Mivolon’hodi-janak’ondry nefa fositra mpanimba
Ny ati-fon’izay nitia sy latsa-paka taminao
Saingy indrisy tara loatra fa voafandrikao ny foko

Satria babonao tanteraka !

Ny hiantso tody sanatria na hamaly faty anao
Fa hiezaka aho hanarina ny foko efa rava
Hampitsiry indray fitiavana vaovao
Hamelana ahafinaritra ho ravaky ny fiainana

Hanoy ny “dia” tsy ho ketraka !

“Ireo hazo nialofana no vavolombelona
Hitahiry ny tsiambarantelontsika”

R.JO (04/07/04)
--------
Rohy:
Sokajy : Fitiavana - FITIAVANA
1650 2
Hevitra mandeha
NyKanto ( 19/07/2004 10:19)
Soa fa nisy ny fanantenana!

bichette ( 20/07/2004 14:24)
mbola ho avy ilay maraina
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0118