NITOHY... - Rakotomalalason Jean Olivier (R.JO)

Azo vakiana?

  NITOHY...

Nanonofy anao aho
      Tamin’ilay alin’iny
           Raha tafaraka isika
             Tamin’iny fety iny

           Izaho aloha tsy nahalala
         Raha nilaza taminao
        Fa niteny tsotra ihany
Hitadiavo namana aho

Ianao nitsiky tsy namaly
          Fa nibanjina ahy malefaka
            Tsapako ho hendratrendratra
              Te hitsangana, hipetraka …

             Teny kely iray monja « ‘zany ! »
          No hany mba voalazanao
      Mifono hevitra mafonja « mamy »
Fenoin’izato endrikao

Raha tsy mahita ianao hoy aho
       Dia ianao no ataoko solony
          Ho silak’ilay fo, fanahy  
             Hisandratan’ny vololony

             Izaho izany tsy mahita
          Hoy ianao nivanivany
      Ef’ito aho dia samy vita
  Ka tandremo sao tsy lany

Taitra aho ka nihiratra
     Tapaka ihany koa ilay nofy
       Ny masoandro be mamiratra
         Nanaitra ahy hamonjy dosy

            Rehefa niverina aho
       Afaka fotoana fohy
     Indro io tokoa ianao
Ilay nofiko nitohy…

                                                      Malalason 08/07/13

Hevitra mandeha

Malalason (08/07/2013 21:08:31)

anio @ 00 : 07 alina

Mombamomba

Mpanoratra : Rakotomalalason Jean Olivier (R.JO)

Nampiditra : Malalason
Daty : 08/07/2013
Mpamangy : 2133
Mankafy : 1

Tononkalo hafa

ENY AN-TSANDRIN’OLON-KAFA NO NAHASAMBATRA ILAY TIAKO
NY OLO-TIA ADALA
NEKENA FA NOLAVINA
JODASY MPAMADIKA
TSY HIANDRY ANDRY INTSONY RY MALALA
HAMOY FO MANGINA
NITETIKA NY HO KALA BE
MIHELINA TOKOA (Val Ton Ny Kanto MIHELINA)
SANATRIA, TSY FANAKIANANA
DISO FANANTENANA