Ilay Fitia tena izy - RAKOTONJANAHARY Tojosoa Ejicà

 Henjehina ho vonoina
 Ilay fitiavana niorina
 Ady no antsoina
 Fa ny tia manao sorona

 Tsy voasakan’iza n’iza
 Raha marina ny fitiavana
 Tsy misy fetra hoe hatraiza
 Na hamoizana ireo havana

 Halaviran-tany ve ?
 Sedram-pitia ihany izany
 Ka ny tia manao hoe :
 Ny tiako ho tiako hatrany

 Tsy fitovian-tsaranga
 Maha lalim-paka ny fitia
 Ka n’inon’inona mitranga
 Dia tsy ho rava sanatria

 Tsy maha foana azy
 Na mbola sedra sesilany
 Fa ilay fitia tena izy
 Tsy misy miala na tomany.

Hametraka hevitra

Midira aloha

Mombamomba

Mpanoratra : RAKOTONJANAHARY Tojosoa Ejicà

Nampiditra : Lucienne
Daty : 24/05/2019
Mpamangy : 1283
Mankafy : 13

Tononkalo hafa

MIVERENA!
ILAY FOTOANANTSIKA
FITIA VOAHOSIM-POTAKA
Mahay Mitia
Ilay Fahazavako
Afom-Pitia
Ilay Tantaran-tsika roa
Tena Tiako Ianao
Tena tia tokoa ve?
Ilay bika aman'endrikao