Mahatsiaro va ianao ? - Randja Zanamihoatra

[Nihevitra ny andro fahiny aho.
Sal. 77.5]


Eny, paohin’ny fotoana ny andro mamy sy baliaka ;
Ny alim-pito sy mangina, ary koa ny tenantsika
Nefa tsy ho tapitra eto ny maraina vaovao !
Eo am-pitsinjovana azy, " mahatsiaro va ianao" ?

Iry ny toerana fahiny !... eny, ilay niriariavana !
Ao ny fara vetso, angamba, no hierina fitiavana !
Iroa ny làlana fombana novakin’ilay nandao…
Ary raha miherika eny, « mahatsiaro va ianao ?

Oh ! Salamo anefa sisa ibitsihako ny fo
Fa tsy very ny amintsika na ho levona tokoa !
Voatahiriko ato izany, ao anaty miafina ao,
Ary raha fohaziko eto, "mahatsiaro ve ianao" ?

Mombamomba

Mpanoratra : Randja Zanamihoatra

Nampiditra : ikalamako
Daty : 15/06/2020
Mpamangy : 1532
Mankafy : 2

Tononkalo hafa

Hidy folo
Varavarana fidirana
Ary nihira aho
Fifandraisana
Taratasy sy laoka
POETA
POETA SY NY HATSARANTAREHINY
Malagasy Mankany
Ireny Kintana
Eny, Alina