You are here: home > Vetso

Razazavavy - a.j.ulrich

Azo vakiana?

_razazavavy, fa maninona ianao
No toa mipetra-drery sady malahelo
Toy ireny olona very fanantenana
Fa voafitaka ny fo very ny fitiavana
_izaho tsy hanozona anao
Na handatsa indray
Fa tonga hankahery anao
Sy hizara hafaliana
_aza mitomany intsony
Aza malahelo akory
Fa efa izay no anjara
Anjaram-pitia anareo roa
_tsapako amin'ny endrikao
Ny aretim-ponao
Kanefa tsy anjaranao
No itomanianao
_mafy ny fisarahana ety an-tany
Na izaho aza tsy mahazaka akory
Kanefa na tinao aza izy
Tsy ho anao mihintsy
_razazavavy mahereza
Mitraka amin'izay ianao
Mitsangana ka mifalia
Fa mbola ho avy ny anjaranao

Sokajy : Fitiavana

Hametraka hevitra

Midira aloha