Maika aho akia (raozigasy)

Mbola tsisy niantsa

Hangataka antsa
(Nalaina tao amin'ny vetso.serasera.org)
Tononkalo nampitenenana ny hosotr'i Vero Rajohnson

Maika aho akia Malala
ka tsy nisalasala
nanosika mangina
Ilay saraka nohidiana

Maika aho akia rahavana
ny hitavana fitiavana
ka nalaiko tsiro am-bava
ilay tafy niharava

Maika aho akia ry tiana
ka nalaiko an-tsondriana
ilay omankomana
sara-ravim-pitolomana

Maika aho moa akia
aza ela fa avia
fa he ity lendalendako
maina hatramin'ny tendako
--------
Rohy:
999 0
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0253