Masiaka ny tsiahiny (raozigasy)

Mbola tsisy niantsa

Hangataka antsa
(Nalaina tao amin'ny vetso.serasera.org)
Ho setrin"ny tononkalon'i kiriah : Tsy tony

Sento sasak-alina
Rako-betso lalina
Mandrovi-pahanginana
Anaty fivonkinana

Vadibadi-tory
Feno nofy ory
Mampivoa-dinitra
Toa vetso mahavinitra

Loha tsy mety lavo
ondana atao avo
sempo-tsy avy miaina
Ka ela vao maraina

Ireo no natambany
Ho bemirain’ny lambany
Sy tafin-torimaso
Mbola feno ankaso

Ireny no narakony
Ireo kiaka feno akony
Nandrovitra ny fony
Tiany mba afoiny


Satria

Ny hatory am-pilaminana
Anaty fahanginana
Tsy vitan’ny fanahiny
Masiaka ny tsiahiny
--------
Rohy:
1504 3
Hevitra mandeha
Tikwel99 ( 17/04/2013 19:24)
tiko be...izaho aloha di mpankafy ny tononkalon'i Raozy e! Tohizo foana fa mahafinaritra
raozigasy ( 17/04/2013 21:21)
mankasitraka ee
kiriah ( 22/04/2013 16:17)
misaotra amin ilay setriny e! tsara mihitsy
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.028