Ny soratrao no taratra (raozigasy)
Mbola tsisy niantsa
(Nalaina tao amin'ny vetso.serasera.org)
Ho setrin'ny tononkalon'i Skual manao hoe "Ny soratra mpanoratra" Ny soratrao no taratra,
manao tamberin-jery
Mamboraka ireo hafatra,
nafeninao irery
ny soratrao no ako
miverina mihoraka
milaza an-damako
ireo gejanao hiboraka
ny soratrao tadio
miriotra manamafy
ireo tsimoky ny anio
tambin’ny nafafy
ny soratrao no nofy
herim-paniriana
manamaivan-drofy
ireo olana tsy tiana
ny soratrao no soratra
mametraka tantara
mandrakitra an’holatra
sary hoan’ny ao afara
--------
Rohy:
Sokajy :
sitraka sy setriny - Aingam-panahy