Orohy aho akia malala a (raozigasy)

Nantsain'i ikalamako
(Nalaina tao amin'ny vetso.serasera.org)
Orohy aho akia malala a

Fa tiako hiainana indray,
ilay vaivain’angano
Moa va tsy vato mahamay,
iteteavan’ivin-drano

Orohy aho akia malala a

Fa tiako hiverenana hinomana,
Ilay tsironao mamonto ahy
Moa va tsy efa mampiomana
Hoe ny fehy sy fefy aleo hivaha

Orohy aho akia malala a !

Fa tiako ange ilay hararetra
Sy ilay lohaliko mangorana
Moa va tsy lemin-kerisetra
Mandemy aho an-tsarin-torana

Orohy aho akia malala a !

Fa izay dia ampy ahy
Hanadinoako ny tontolo
Amin’izay aho sahisahy
Ka mety ho lasanao daholo

Orohy aho akia malala a !

© Raozigasy 10/12/19
--------
Rohy:
2681 0
Hametraka hevitra
Midira aloha
Momba ny tononkalo
Mpanoratra : raozigasy
Nampiditra : raozigasy
Daty : 04/01/2020 08:09
Antsantononkalo
Nantsain'i ikalamako
© Eugene Heriniaina - serasera.org 1999 - 2024 - page load 0.0275