FIKASANA ! - RATSIMBA Georges

-“Tsy haditra intsony aho, ry dada sy neny,
               “Manomboka anio :
“Ho tia ny zandriko, ho tsara fiteny
               “Sy hanao madio,
“Ny boky tsy horovidrovitiko intsony,
               “Ny soratro kosa
“Hokaliako tsara…Ary isa ambony :
              “No ataoko miavosa !”

-“Fa inona anefa, hoy dada sy neny,
             “No anton’izao?”
“Dia hoy Ikotokely namaly an’ireny :
             -“Ny taombaovao !”
“Kinanjo ny ampitso hadinon’Ikoto
              Ny voadiny omaly !
Ny isany ? –Atody. Ny tena ? –Maloto.
              Rainy tsy faly!...

Ry zoky sy zandry, fidera tokoa
             Ny tsara fikasa ;
Kanefa ny teny mba inona moa
            Rah’tsy arahina asa ?

Samia àry miezaka isika rehetra,
           Na inon-katao,
Hanatanteraka ny tarigetra-
           N’ny Taombaovao !

Ny RAHONA RATSIMBA Georges

Mombamomba

Mpanoratra : RATSIMBA Georges

Nampiditra : naritsimba
Daty : 30/12/2010
Mpamangy : 2709
Mankafy : 0

Tononkalo hafa

LASA ILAY MAHERY FO
TILY AHO
MBA SAMBATRA KOSA…(NRRG)
MBA SAMBATRA KOSA…
NY TENA SAKAIZA
VOALOHAM-PITIAVANA !
KINDRIANDRIANA
DIA AFAKA 'LAY TANINDRAZAKO
DIA AFAKA ‘LAY TANINDRAZAKO
TANINDRAZANA