MAHAY AHO RY DADA SY NENY ! - RATSIMBA Georges

Azo vakiana?

Mahay aho, ry Dada sy Neny,
Mamaky ny teny hoe :
la-la, no-ro, mi-te-ny,
Sy manoratra hoe : dadabe !

Mahay aho, ry Dada sy Neny,
Manisa hatramin’ny zato ;
Ireny manambatra ireny
Vitako tsy mila vato !

Mahay aho, ry Dada sy Neny,
Na hirahira na hanao tsipy sandry ;
Ka nony nanaovako ireny
Variana ry zoky sy zandry !

Mahay aho, ry Dada sy Neny,
Mamono kahie mbamin’ny boky
Rah’izay manao an’ireny
Tsy hindramako intsony an’Izoky !

Mahay aho, ry Dada sy Neny,
Ka moa tsy marina ve
Fa efa mba anisan’ireny
antsoina hoe : olon-dehibe !

9 febroary 1965
Ny RAHONA

Mombamomba

Mpanoratra : RATSIMBA Georges

Nampiditra : naritsimba
Daty : 12/05/2010
Mpamangy : 1956
Mankafy : 0

Tononkalo hafa

LASA ILAY MAHERY FO
TILY AHO
MBA SAMBATRA KOSA…(NRRG)
MBA SAMBATRA KOSA…
NY TENA SAKAIZA
FIKASANA !
VOALOHAM-PITIAVANA !
KINDRIANDRIANA
DIA AFAKA 'LAY TANINDRAZAKO
DIA AFAKA ‘LAY TANINDRAZAKO