VOALOHAM-PITIAVANA ! - RATSIMBA Georges

Mba fantatrareo ny voaloham-pitiavako
            Tsy afaka am-bavako ?
           -Ny an’ny havako !
Fitiavana feno ‘reo ray aman-dreny
            Tsy sasa-niteny
            Ombieny ombieny

Tsy kivy nananatra hatrany, hatrany,
            Nanao teny mamy
            Arahin-tomany !
‘Lay reniko mantsy no fatratra indrindra
            Fa nanindrahindra
            Nampiana-mamindra !

Raha sendra ka lavo aho dia notrotroiny
            sy safosafoiny
            ary koa ampofoiny !
Nentiny hividy “bonbons” teny an-tsena,
            Nataony am-babena
            Raha sendra sorena,
        
Indraindray izy nitezitra ihany,
            Kanefa tsy izany
            Fa sariny hatrany !
Manaraka izany i dada malala
            Iaraha-mahalala
            Mpanoro ny adala !
Niezaka mafy mba hampianatra ahy
           Hijoro ho sahy
           Satria lehilahy !
Ilay tsorakazony mafy aoka izany
          Fa nampitomany
          Hatrany hatrany !
Kanefa izao dia tsaroako fa hay
        Fa raha tsy nanafay
        ‘Zay dadako izay
Ho loza sy atambo no nanjo ahy
        Fa ho badolahy
        Tsy ary fanahy !
Ry dada sy Neny, raha sitrakareo,
        ‘Ty hirako ekeo

Ny RAHONA RATSIMBA Georges

Hevitra mandeha

papoosy (05/01/2011 21:23:13)

Tena tsara be!!!

kiriah (07/01/2011 11:56:19)

tena tiko !

Mombamomba

Mpanoratra : RATSIMBA Georges

Nampiditra : naritsimba
Daty : 30/12/2010
Mpamangy : 7484
Mankafy : 1

Tononkalo hafa

LASA ILAY MAHERY FO
TILY AHO
MBA SAMBATRA KOSA…(NRRG)
MBA SAMBATRA KOSA…
NY TENA SAKAIZA
FIKASANA !
KINDRIANDRIANA
DIA AFAKA 'LAY TANINDRAZAKO
DIA AFAKA ‘LAY TANINDRAZAKO
TANINDRAZANA