SIDINA (Ravanondrazana)

Mbola tsisy niantsa

Hangataka antsa
(Nalaina tao amin'ny vetso.serasera.org)
SIDINA


Manidina ambony ny domoina vavy
fa manana elatra, hampiakatra azy!
Miery any lavitra, tsy hitako intsony,
misoka ny volana izay mpampitony.

Ny lisy nilaozany, indrisy, ry vorona!
Mamorivory ny fitiavana ho sorona,
anatin'ny hatsara, mba enti-midola.
Tambazana anefa dia midina mora.

Somambisamby, ny andro maraina!
Toa mamanala, mahalasa ny saina,
ny tontolo misy. Ka dia mampimalo
ny fo sy fanahiko, izay mora mivalo.

Midonaka mora, ny embom-panahy
misoko, manonja, manempotra ahy.
Ny tsiahy sy ny lasa ekena tsy maty,
Vao ora-midona, dia toy ny ambiaty.

Sambatra ihany ny kintana ambony,
Takarin-jatovo, mbola entin'ny fony.
Mba sambatra koa e r'ilay paradisa,
Nofisin'ny mponina, isa an-tapitrisa.


RAVANONDRAZANA
7 OKTOBRA 2021
--------
Rohy:
363 0
Hametraka hevitra
Midira aloha
Momba ny tononkalo
Mpanoratra : Ravanondrazana
Nampiditra : RAVANONDRAZANA
Daty : 08/10/2021 03:42
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0108