Very Ilany (razafindratsima ndremahery)

Nantsain'i
(Nalaina tao amin'ny vetso.serasera.org)
Very ilany

Tsy nahita tory nivadibadika
Namihina ondana misamboadibadika
Fa very ilany, very vady
Akoho voakapoka, resy tsy miady.

Mamaky loha sola fa tantaraina
tsy zaka irery ka mba zaraina
Lasa i Rafotsy tsy tratra an-trano.
Nanara-drafy ahita angano

Mipenimpenina aho miteny irery
Mihivingivina, tsy mahari-pery
Fa tena mazana, mangirifiry
Tsy hay lazaina, manirikiry.

Efa nanokona fa tsy nahay
Hazo lena no natao kitay
Mipatrapatraka ny ranomaso
Mangatrakatraka ny ankaso

Ny aty may ny vavony tresaka
Fa toaka ihany no mifanaretsaka
Hanadinoana,
Hanamamoana
Fa manorisory
izaho efa oriory

Efa be loatra ny tsiambaratelo
Tao ny nahafaly, ny nampalahelo
Mifampizarana ambony ampanga
Ka very ilany vao mahatsiaro banga.

RAZAFINDRATSIMA Ndremahery Aix- 11/02/98
--------
Rohy:
4255 2
Hevitra mandeha
neo83 ( 16/05/2008 05:46)
Tsara le tononkalo ka. le mahasah mjoro amlé oe "voa aho ty" no tena mahatsara azy fa tsy le manao anlé maazatra be ireny. Tsara alou raha amiko e. maztou.
Hametraka hevitra
Midira aloha
Momba ny tononkalo
Mpanoratra : razafindratsima ndremahery
Nampiditra : Razafy
Daty : 12/05/2005 16:42
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0106