DADA TSARA INDRINDRA (RFE Andria)

Mbola tsisy niantsa

Hangataka antsa
(Nalaina tao amin'ny vetso.serasera.org)
DADA TSARA INDRINDRA

Dada a !
Saika nataoko ny hangina tsy hanokatra ny molotro
Satria aho tsy manam-bola na fanomezana hatolotra
Ka sao dia mamendrofendro ary mampangenahena
Amin’ity andro fetinao ka mba menatra ny tena

Dada a!
Na tsy lafatra aza ianao fa mba nety ho solafaka
Ny fomba fitaizanao no nanarina ahy ho afaka
Eny, izaho no toy izao dia ianao tsy kivy fa nikiry
Niaritra ny fihafiana, nivongika hirifiry

Dada a!
Na babena aza ity toa tsy ho voavaliko akory
Sanatria tsy te hanao na valinteny boribory
Fa tany mena tsy mirehitra, ny fiainana efa sarotra
Toa tsentsina avokoa izay mety ho lalam-barotra

Dada a!
Aleoko ny ato am-po no hoborahiko etoana
Voarakitro an-takelaka arahim-bavaka am-pinoana
Tsy asolo n’iza n’iza: ianao no Dada tsara indrindra
Ny fitiavako anao, tokana tsy haiko afindra!

RFE Andria – 21/06/2015
--------
Rohy:
Sokajy : Tsingerin-taona - Fety
1496 0
Hametraka hevitra
Midira aloha
Momba ny tononkalo
Mpanoratra : RFE Andria
Nampiditra : Arofanina
Daty : 21/06/2015 05:39
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0113