TSY HO TANTINY (RFE Andria)

TSY HO TANTINY

Mbola hotsarain'ny tantara
ireo mpitondra izay mamarara
fa mivarotra ny tanindrazana
manao izany ho tany ngazana
dia jambenan'ny fitiavan-tena
ka indreo fa mangoron-karena
Tsy tahotra tsy henatra akory
mampiesona sy mampatory
baomba sy basy no apoaka...
Mbola ho tratry ny ampamoaka
Ny vahiny no leladelafiny
fa any no ahitany fafiny
...
Ataovy fa indray andro any
hitroatra ny hasin'ny tany
dia ny hasiny voahitsakitsaka
hirongatra fa tsy hamitsaka
Mbola hotsarain'ny tantara
ireo mpitondra izay mamarara

RFE Andria - 29/09/2016
--------