VOADY (RHAd)

Mbola tsisy niantsa

Hangataka antsa
(Nalaina tao amin'ny vetso.serasera.org)
Ny hasim-pitiavana nifanoloran-tsika
Dia afo nanafana ny voady tsy ho ritra
Ny vao sy ny ela tsy nila fanamperana
Dia raozy tsara faka, mitsimoka mamelana

Novolenao aina ny tontolon’ny fanahiko
Tonga manipofona ny sahan’ny fitiavako
Madera tsara loko ny loharanonao Rahavako
Fa efa nofinidy Enao, natokako, navahako

Endrey ny lasan-tsika niondana fitia
Hitokio ny hoavy sisa fa ho tia Anao aho, tena tia
Ny zanantsika roa indreo mianadahy
Dia vatofehizoro mandanao sy ahy

Na nisy ny ony maro saika handavo antsika
Fahavalo resy ireny fa ny dina tsy mipika
Ny adintsika koa na nisy nampimalo
Tsy nanjera fa namoha fitia tsy mifangaro

Reo Folo taona niampy dimy,
Niombonan-tsika aina
Milonjehitra ankehitriny
Fa tilikambon’ny maraina

Koa averiko eto indray ny voadiko ho anao
R’ilay Nofidiko tanaty ny olo-maro
Na mitombo harena isika na ory sy mitraho
Ho tianao foana aho na iza saro-piaro
--------
Rohy:
2503 0
Hametraka hevitra
Midira aloha
Momba ny tononkalo
Mpanoratra : RHAd
Nampiditra : Rhad
Daty : 04/12/2012 18:11
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0108